पदार्थान्वयभाषाः - हे अश्विना=प्रजानां मनसि स्वगुणैर्व्याप्तौ प्रशस्ताश्वयुक्तौ वा राजाऽमात्यौ ! युवां न केवलं मूर्खा एव आह्वयन्ति किन्तु विप्रो मेधावी जनोऽपि। इहास्मिन् यज्ञे। अवसे=रक्षायै। स्तोमेभिः=स्तोमैः स्तोत्रैः सह। वाम्=युवाम्। आसमन्ताद्। अह्वत्=ह्वयति=निमन्त्रयति। हे अरिप्ता=रिप्तमिति पापनाम। न विद्येते रिप्तं पापं ययोस्तौ अरिप्तौ=निष्कलङ्कौ। हे वृत्रहन्तमा=वृत्राणां विघ्नानाम्, उपद्रवकारिणाञ्च अतिशयेन हन्तारौ देवौ ता=तौ युवाम्। नोऽस्माकम्। मयोभुवा=सुखकारिणौ। भूतम्=भवतमिति प्रार्थये ॥९॥

पदार्थान्वयभाषाः - (अश्विना) हे व्यापकौ (अरिप्रा) निष्पापौ (वृत्रहन्तमा) शत्रुनाशकौ ! (वां) युवाम् (विप्रः) उपासकः (इह) यज्ञे (अवसे) रक्षायै (स्तोमेभिः) स्तोत्रैः (आह्वत्) आहूतवान् (ता) तौ (नः) अस्माकम् (मयोभुवा) सुखदौ (भूतम्) भवतम् ॥९॥