ए॒षा शु॒भ्रा न त॒न्वो॑ विदा॒नोर्ध्वेव॑ स्ना॒ती दृ॒शये॑ नो अस्थात्। अप॒ द्वेषो॒ बाध॑माना॒ तमां॑स्यु॒षा दि॒वो दु॑हि॒ता ज्योति॒षागा॑त् ॥५॥
eṣā śubhrā na tanvo vidānordhveva snātī dṛśaye no asthāt | apa dveṣo bādhamānā tamāṁsy uṣā divo duhitā jyotiṣāgāt ||
ए॒षा। शु॒भ्रा। न। त॒न्वः॑। वि॒दा॒ना। ऊ॒र्ध्वाऽइ॑व। स्ना॒ती। दृ॒शये॑। नः॒। अ॒स्था॒त्। अप॑। द्वेषः॑। बाध॑माना। तमां॑सि। उ॒षाः। दि॒वः। दु॒हि॒ता। ज्योति॑षा। आ। अ॒गा॒त् ॥५॥
स्वामी दयानन्द सरस्वती
फिर उसी विषय को कहते हैं ॥
स्वामी दयानन्द सरस्वती
पुनस्तमेव विषयमाह ॥
हे शुभलक्षणे स्त्रि ! यथैषोषाः शुभ्रा विद्युन्न तन्वो विदानोर्ध्वेव स्नाती नो दृशयेऽस्थाद् द्वेषस्तमांसि चाप बाधमाना दिवो दुहिता ज्योतिषाऽऽगात्तथा त्वं भवेः ॥५॥