क॒दा च॒न स्त॒रीर॑सि॒ नेन्द्र॑ सश्चसि दा॒शुषे॑। उपो॒पेन्नु म॑घव॒न् भूय॒ऽइन्नु ते॒ दानं॑ दे॒वस्य॑ पृच्यतऽआदि॒त्येभ्य॑स्त्वा ॥२॥
क॒दा। च॒न। स्त॒रीः। अ॒सि॒। न। इ॒न्द्र॒। स॒श्च॒सि॒। दा॒शुषे॑। उपो॒पेत्युप॑ऽउप। इत्। नु। म॒घ॒व॒न्निति॑ मघऽवन्। भूयः॑। इत्। नु। ते॒। दान॑म्। दे॒वस्य॑। पृ॒च्य॒ते॒। आ॒दि॒त्येभ्यः॑। त्वा॒ ॥२॥
हिन्दी - स्वामी दयानन्द सरस्वती
फिर भी गृहस्थों के धर्म का उपदेश अगले मन्त्र में किया है ॥
संस्कृत - स्वामी दयानन्द सरस्वती
पुनस्तमेवाह ॥
(कदा) कस्मिन् काले (चन) अपि (स्तरीः) स्वभावाच्छादकः संकुचितः (असि) भवसि (न) निषेधे (इन्द्र) परमैश्वर्य्यपते ! (सश्चसि) प्राप्नोषि। सश्चतीति गतिकर्मसु पठितम्। (निघं०२.१४) (दाशुषे) दानशीलाय (उपोप) सामीप्ये। उपर्य्यध्यधसः सामीप्ये। (अष्टा०८.१.७) इति द्वित्वम्। (इत्) एव (नु) क्षिप्रम्। न्विति क्षिप्रनामसु पठितम्। (निघं०२.१५) (मघवन्) प्रशंसितधनयुक्त (भूयः) अधिकम् (इत्) एव (नु) शीघ्रम् (ते) तव (दानम्) (देवस्य) विदुषः (पृच्यते) सम्बध्यते (आदित्येभ्यः) मासेभ्यः (त्वा) त्वां सुखदातारम्। अयं मन्त्रः (शत०४.३.५.१०-११) व्याख्यातः ॥२॥
