पदार्थान्वयभाषाः - हे पुरुदंससा=पुरुदंससौ=बहुकर्माणौ। अश्विना=अश्विनौ राजामात्यौ। अप्सु=जलेषु निमित्तेषु। यत्कर्म। युवां कृतम्=कुरुतम्। तथा। वनस्पतौ=वनानां पतिर्वनस्पतिः तस्मिन् निमित्ते। अत्र जातावेकवचनम्। वृक्षेषु निमित्तेषु यत्कर्म कुरुतम्। एवमेव। ओषधीषु=ओषः पाक आसु धीयत इत्योषधयो व्रीह्यादयः। कर्मण्यधिकरणे चेति दधातेरधिकरणे किप्रत्ययः। दासीमारादिषु पठितत्वात् पूर्वपदप्रकृतिस्वरत्वम्। ओषधेश्च विभक्तावप्रथमायामिति दीर्घः। व्रीह्यादिष्वोषधीषु निमित्तेषु च। यत्कर्म कुरुतम्। तेन कर्मणा मामपि प्रजाम्। अविष्टम्=रक्षतम् ॥५॥

पदार्थान्वयभाषाः - (पुरुदंससा) हे बहुकर्माणौ ! (यत्, अप्सु) यत् पौरुषं जलेषु (यत्, वनस्पतौ) यच्च वनस्पतिषु (यत्, ओषधीषु) यत् रसाधारेष्वन्नेषु (कृतम्) पौरुषं प्रकटीकृतम् (अश्विना) हे बलिनौ ! (तेन) तेन पौरुषेण (मा) माम् (अविष्टम्) रक्षतम् ॥५॥