Footnote: २−(सप्त) त्वक्चक्षुःश्रवणरसनाघ्राणमनोबुद्धयः (युञ्जन्ति) योजयन्ति (रथम्) रथो रंहतेर्गतिकर्मणः स्थिरतेर्वा स्याद्विपरीतस्य रममाणोऽस्मिंस्तिष्ठतीति वा रपतेर्वा रसतेर्वा-निरु० ९।१२। रंहणशीलं रथरूपं वा शरीरम्। (एकचक्रम्) एकचारिणम्-निरु० ४।२६। एकचक्रवद्भ्रमणशीलेनात्मना युक्तम्। (एकः) असहायः (अश्वः) अ० १।१६।४। अश्वरूपो व्यापकः जीवात्मा सूर्यो वा (वहति) प्रापयति (सप्तनामा) नामन्सीमन्व्योमन्०। उ०४।१५१। म्ना अभ्यासे-मनिन्। यद्वा नमतेर्नमयते र्वा-मनिन्। सप्तभिरिन्द्रियैस्त्वक्चक्षुःश्रवणरसनाघ्राण- मनोबुद्धिभिर्नमतीति यः सः। सप्तनामादित्यः सप्तास्मै रश्मयो रसानभिसन्नमयन्ति सप्तैनमृषयः स्तुवन्तीति वा-निरु० ४।२७। (त्रिनाभि) सत्त्वरजस्तमांसि बन्धनानि यस्य तत्। त्रिनाभि चक्रं त्र्यृतुः संवत्सरो ग्रीष्मो वर्षा हेमन्त इति-निरु० ४।२७। (चक्रम्) स्फायितञ्चि०। उ० २।१३। चक तृप्तौ प्रतिघाते च-रक्। यद्वा क्रियतेऽनेन। कृ-घञर्थे क, द्वित्वम्। चक्रं चकतेवा चरतेर्वा क्रामतेर्वा-निरु० ४।२७। रथाङ्गम् (अजरम्) ऋच्छेररः। उ० ४।१३१। इति अज गतिक्षेपणयोः-अरप्रत्ययः। गतिशीलम्। अजरणधर्माणम्-निरु० ४।२७। (अनर्वम्) कॄगॄशॄदॄभ्यो वः। उ० १।१५५। नञ्+ऋ गतौ हिंसायां च−व प्रत्ययः। अहिंसितम्। अक्षीणम्। अप्रत्यृतमन्यस्मिन्-निरु० ४।२७। (यत्र) यस्मिन् परमात्मनि तस्मिन् (इमा) इमानि (विश्वा) सर्वाणि (भुवना) लोकाः (अधि) यथावत् (तस्थुः) लडर्थे लिट्। तिष्ठन्ति। वर्तन्ते ॥