Footnote: ७−(हिरण्यवर्णे) हे तेजःस्वरूपे (सुभगे) हे शोभनैश्वर्ययुक्ते (शुष्मे) शुष्मं बलम्−२।९। अर्शआद्यच्। हे बलवति (लोमशवक्षणे) नामन्सीमन्व्योमन्लोमन्०। उ–––० ४।१५१। इति लूञ् छेदने−मनिन्। लोमादिपामादिपिच्छादिभ्यः शनेलचः। पा० ५।२।१००। इति लोम−श, मत्वर्थे। वक्ष रोषे−ल्युट्। हे लोमशेषु छेदनस्वभावेषु रोषशीले (अपाम्) व्याप्तानां प्रजानाम् (असि) (स्वसा) म० १। सुष्ठु दीपयित्री, (लाक्षे) गुरोश्च हलः। पा० ३।३।१०३। इति लक्ष दर्शनाङ्कनयोरालोचने च−अ, टाप्, पृषोदरादित्वाद्वृद्धिः। हे दर्शनीये शक्ते परमात्मन् (वातः) व्यापकः (ह) निश्चयेन (आत्मा) स्वरूपम् (बभूव) (ते) तव ॥