Footnote: २–आत्। अव्ययम्। पुनः। अनन्तरम्। अङ्ग। अव्ययम्। निपातस्य च। पा० ६।३।१।१३६। इति सांहितिको दीर्घः। इत्युभयत्र दीर्घः। संबोधने। हे। कुवित्। निपातोऽयम्। बहुनाम–निघ० ३।१। बहुधा बहुप्रकारेण। शतम्। दश दशतः परिमाणमस्येति। पङ्क्तिविंशतित्रिंशत्०। पा० ५।१।५९। इति तः। दशाणां शभावश्च निपात्यते। दशगुणिता दश सङ्ख्या। शतं दशदशतः–निरु० ३।१०। बहुनाम–निघ० ३।१। अपरिमितानि। असङ्ख्यातानि। भेषजानि। अ० १।४।४। भिषज् अण्। यद्वा। भेष+जि–ड। औषधानि। उत्तमम्। अ० १।९।२। उत्–तमप्। उत्कृष्टतमम्। अनास्रावम्। अ० १।२।४। अन्+आङ्+स्रु–ण। क्लेशरहितम्। अरोगणम्। रुजो भङ्गे–भावे ल्युट्, छान्दसं कुत्वम्। अरोगणम्। रोगनिवर्तकम् ॥