Footnote: २–मित्रः। म० १। मध्यस्थानदेवता–निरु० १०।२१। अहरभिमानी देवः–इति सायणः। दिनकालः। वरुणः। मध्यस्थानदेवता–निरु० १०।३। द्युस्थानदेवता–निरु० १२।२१। रात्र्यभिमानी [देवः–] इति सायणः। रात्रिसमयः। एनम्। जीवम्। वा। चार्थे। रिशादाः। इगुपधज्ञाप्रीकिरः कः। पा० ३।१।१३५। इति रिश हिंसायाम्–क। अद भक्षणे–असुन्। रिशानां हिंसकानां श्रमाणाम् अत्ता नाशयिता। जरामृत्युम्। अ० २।१३।२। जरया स्तुत्या अमृत्युः अमरणं यस्य तम्। यद्वा। जरया स्तुत्या वृद्धत्वेन वा मृत्युर्मरणं यस्य तम्। यशस्विनम्। कृणुताम्। उभौ कुरुताम्। संविदानौ। समो गम्यृच्छिप्रच्छिस्वरत्यर्तिश्रुविदिभ्यः। पा० १।३।२९। इति संपूर्वाद् वेत्तेरकर्मकात्–आत्मनेपदम्। लटः शानच्। संगच्छमानौ। ऐकमत्यं प्राप्तौ। तत्। तेन कारणेन। अग्निः। अ० १।६।२। व्यापकः सर्वज्ञः परमेश्वरः। होता। अ० १।११।१। हु–तृन्। दाता। आदाता। वयुनानि। अजियमिशीङ्भ्यश्च। उ० ३।६१। इति अज गतौ–उनन्, वीभावः। अथवा। वी गतिकान्तिव्याप्त्यादिषु–उनन्। वयुनं वेतेः कान्तिर्वा प्रज्ञा वा–निरु० ५।१४। ज्ञातव्यानि कर्माणि। विश्वा। विश्वानि। सर्वाणि। जनिमा। जनिमृङ्भ्यामिमनिन्। उ० ४।१४९। इति जन जनी वा–इमनिन्। जनिमानि, जन्मानि। प्रादुर्भावस्थानानि। विवक्ति। वचेः–लेटि शपः श्लुः। बहुलं छन्दसि। पा० ७।४।७८। इत्यभ्यासस्य इकारः। ब्रवीतु। उपदिशतु ॥