Footnote: २–इमम्। शुभगुणैर्निर्दिष्टं गोपालं प्रधानपुरुषं वा। गोष्ठम्। गौर्वाङ्नाम–निघ० १।११। गवि वाचि तिष्ठतीति गोष्ठः। स्थिरवाचं दृढ–वचनं गोपालं प्रधानपुरुषं वा। पशवः। म० १। सम्+स्रवन्तु। स्रु गतौ। समेत्य गच्छन्तु। बृहस्पतिः। अ० २।१३।२। बृहतां महतां प्राणिनां पाता रक्षिता। गोपः सभापतिर्वा। आनयतु। आगमयतु। प्रजानन्। प्र+ज्ञा–शतृ। विद्वान्। सिनीवाली। इण्सिञ्जिदीङुष्यविभ्यो नक्। उ० ३।२। इति षिञ् बन्धने–नक्, स्त्रियां ङीप्। बल संवरणे, यद्वा, बल जीवने, दाने–अण्, ङीप्। सिनीवाली, सिनमन्नं भवति सिनाति भूतानि बालं पर्व वृणोतेस्तस्मिन्नन्नवती। निरु० ११।३१। सिनीं सिनमन्नं बलति धारयतीति। अन्नधर्त्री। अन्नवती गृहपत्नी नीतिविद्या वा। आ+नयतु। छन्दसि परेऽपि। पा० १।४।८१। इति उपसर्गस्य परत्वम्। आगमयतु। अग्रम्। ऋज्रेन्द्राग्रवज्र०। उ० २।२८। इति अगि गतौ–रन्। अग्रतः। पुरस्तात्। आजग्मुषः। आङ्+गमेः क्वसुः। वसोः संप्रसारणम्। पा०। ६।४।१३। इति शसि संप्रसारणम्। आगतान्। पशून्। अनुमते। अनु+मन बोधे–क्तिन्। अनुमतिरनुमननात्–निरु० ११।२९। अनुकूलबुद्धियुक्ते। नियच्छ। नियमय ॥