Footnote: २−हवम्। भावेऽनुपसर्गस्य। पा० ३।३।७५। इति ह्वेञ् आह्वाने, स्पर्धे च-अप्। आह्वानम्, आवाहनम्। आ+यात। या गतौ-लोट्। आगच्छत। इह। नित्यवीप्सयोः। पा० ८।१।४। इति वीप्सायां इह शब्दस्य द्विर्वचनम्। अस्मिन्नेव यज्ञे। सम्-स्रावणाः। स्रु स्रवणे गतौ-णिचि-ल्युट्। युवोरनाकौ। पा० ७।१।१। इति अन आदेशः। अर्शआदिभ्योऽच्। पा० ५।२।१२७। इति मत्वर्थे अच्। हे संस्रावेण सम्यक् स्रवणेन, अत्यार्द्रभावेन युक्ताः। इमम्। उपस्थितं माम्। वर्धयत। वृधु वृद्धौ णिचि लोट्, छन्दसि दीर्घः। समर्धयत। गिरः। गृणातिः स्तुतिकर्मा−निरु० ३।५। अर्चतिकर्मा−निघ० ३।१४। गॄ शब्दे−कर्मणि क्विप्। गीर्यन्ते स्तूयन्त इति गिरः। हे अर्चनीयाः, स्तुत्याः पुरुषाः। आ+एतु। आगच्छतु। पशुः। अर्जिदृशिकम्यमि०। उ० १।२७। इति दृशिर् प्रेक्षणे−कु, पश्यादेशः। पशुः पश्यतेः−निरु० ३।१६। प्राणिमात्रम्, जीवः। अथवा। गवाश्वगजादिरूपः। अस्मिन्। मयि, मदीये आत्मनि। तिष्ठतु। निवसतु। रयिः। अच इः। उ० ४।१३९। इति रीङ् गतौ-इ प्रत्ययः। गुणः। यद्वा। रा दानग्रहणयोः−इ प्रत्ययः, युगागमो धातोर्ह्रस्वश्च। धनम् ॥२॥