टिप्पणी: ३−प्र-वतः। नपात्। म० २। हे स्वभक्तस्य न पातयितः। हेतये। ऊतियूतिजूतिसातिहेतिकीर्तयश्च। पा० ३।३।९७। इति हन वधे गतौ च क्तिन्। एत्वम् उदात्तत्वं च निपात्येते। यद्वा हि वर्धने गतौ च−क्तिन् निपातितश्च। हन्यन्तेऽनया शत्रवः। गम्यतेऽनया जयः, वर्द्ध्यते वैश्वर्यम्। हेतिः, वज्रनाम−निघ० ३।२०। वज्राय, वज्ररूपाय। तपुषे। अर्त्तिपॄवपियजितनिधनितपिभ्यो−नित्। उ० २।११७। इति तप ऐश्वर्यसंतापदाहेषु−उसि। दाहकाय अस्त्राय, तद्रूपाय। कृण्मः। कृवि हिंसाकरणयोः−लट्। वयं कुर्मः। विद्मः। विदो लटो वा। पा० ३।४।८३। इति विद ज्ञाने मसो मादेशः। वयं जानीमः। धाम। सर्वधातुभ्यो मनिन्। उ० ४।१४५। इति धा-मनिन्। स्थानम्, गृहम्। प्रभावम्। परमम्। आतोऽनुपसर्गे कः। पा० ३।२।४। इति पर+मा माने-क। उत्कृष्टम्। गुहा। १।८।४। सप्तम्या लुक्। गुहायाम्, गर्ते हृदये। गुहावद् अगम्ये प्रदेशे यत्। यस्मात् कारणात्। समुद्रे। १।३।८। अन्येष्वपि दृश्यते। पा० ३।२।१०१। इति सम्+उत्+द्रु गतौ−ड प्रत्ययः, यद्वा, स्फायितञ्चिवञ्चि०। उ० २।१३। सम्+मुद हर्षे−अधिकरणे रक्। यद्वा, सम्+उन्दी क्लेदने-रक्। सागरे, उदधौ, अन्तरिक्षे−निघ० १।३। अन्तः। मध्ये। नि-हिता। दधातेर्हिः। पा० ७।४।४२। इति नि पूर्वात् धाञः−क्त, हिरादेशः। स्थापिता। नाभिः। नहो भश्च। उ० ४।१२६। इति णह बन्धने−इञ् प्रत्ययः ञ्नित्यादिर्नित्यम्। पा० ६।१।१९७। इति आद्युदात्तः। नह्यति बध्नाति नाडीः। स्त्रीलिङ्गता। तुन्दकूपी। नाभिचक्रवत् मध्यस्थः ॥