मा न॑स्तो॒के तन॑ये॒ मा न॒ऽआयु॑षि॒ मा नो॒ गोषु॒ मा नो॒ऽअश्वे॑षु रीरिषः। मा नो॑ वी॒रान् रु॑द्र भा॒मिनो॑ वधीर्ह॒विष्म॑न्तः॒ सद॒मित् त्वा॑ हवामहे ॥१६ ॥
मा। नः॒। तो॒के। तन॑ये। मा। नः॒। आयु॑षि। मा। नः॒। गोषु॑। मा। नः॒। अश्वे॑षु। री॒रिष॒ इति॑ रीरिषः। मा। नः॒। वी॒रान्। रु॒द्र॒। भा॒मिनः॑। व॒धीः॒। ह॒विष्म॑न्तः। सद॑म्। इत्। त्वा॒। ह॒वा॒म॒हे॒ ॥१६ ॥
हिन्दी - स्वामी दयानन्द सरस्वती
फिर भी वही विषय अगले मन्त्र में कहा है ॥
संस्कृत - स्वामी दयानन्द सरस्वती
पुनस्तदेवाह ॥
(मा) (नः) अस्माकम् (तोके) सद्यो जातेऽपत्ये (तनये) पञ्चमाद् वर्षादूर्ध्वं वयः प्राप्ते (मा) (नः) अस्माकम् (आयुषि) वयसि (मा) (नः) अस्माकम् (गोषु) गोजाव्यादिषु (मा) (नः) (अश्वेषु) तुरङ्गहस्त्युष्ट्रादिषु (रीरिषः) हिंसको भवेः (मा) (नः) (वीरान्) शूरान् (रुद्र) (भामिनः) क्रुद्धान् (वधीः) (हविष्मन्तः) बहूनि हवींषि दातुमादातुं योग्यानि वस्तूनि विद्यन्ते येषां ते (सदम्) यो न्याये सीदति तम् (इत्) एव (त्वा) त्वाम् (हवामहे) स्वीकुर्महे ॥१६ ॥