पदार्थान्वयभाषाः - हे इन्द्र=परमैश्वर्य्यशालिन् महेश ! वयं तम्=सुप्रसिद्धम्। गोमन्तम्=प्रशस्तगोपशुसहितम्। यद्वा। प्रशस्तज्ञान- कर्मेन्द्रिययुक्तम्। गाव इन्द्रियाणि प्रशस्ता गाव इन्द्रियाणि अस्येति गोमान् तम्। पुनः। अश्विनमश्वैर्युक्तम्। यद्वा। वशीभूतमनोऽश्वसंयुतम्। अश्नुते सर्वाणीन्द्रियाणि व्याप्नोतीत्यश्वो मनः। सोऽस्यास्तीत्यश्विनम्। ईदृशं रयिम्=धनम्। त्वत्कृपया। प्र+नशीमहि=प्राप्नुयाम। अपि च। पूर्वचित्तये=पूर्णप्रज्ञानाय। ब्रह्म=बृहन्तं वेदम्। यद्वा। स्तोत्रशक्तिम्। प्र=प्रकर्षेण प्राप्नुयाम ॥९॥

पदार्थान्वयभाषाः - (इन्द्र) हे परमात्मन् ! (गोमन्तम्) भास्वरम् (अश्विनम्) व्यापकम् (तम्, रयिम्) तादृशं धनम् (प्रनशीमहि) प्राप्नवाम (पूर्वचित्तये) अनादित्वज्ञानाय (ब्रह्म) वेदं च (प्र) प्राप्नवाम ॥९॥