पदार्थान्वयभाषाः - यः=खलु ईश्वरादन्यः कश्चिद्दाता। हिरण्यया=सुवर्णमय्या। त्वचा=चर्मणा। सह। बहुभिः सुवर्णैः सहितानीत्यर्थः। ऋज्रा=ऋजूनि, गमनशीलानि अस्थायीनि धनानि। मह्यम्। ममहे=ददाति। मंहतिर्दानकर्मा। स एष दाता पुरुषः। विश्वानि=समस्तानि। सौभगा=सौभगानि=सौभाग्यानि कल्याणानि। अभ्यस्तु=अभिभवतु=प्राप्नोतु यावत्। तथा तस्य आसङ्गस्य=अर्थिभिः सह यः सदा आसंगच्छते=संमिलितो भवति स आसङ्गः=परमदानी पुरुषः। तस्य। रथो रमणीयो रथादिः। स्वनत्=स्वनन्=सुवर्णमयैरायोजनैः सज्जीकृतः सन् सर्वदा शब्दायमानो भवतु। इत्याशास्महे परमात्मनः। यद्वा स्वनद्रथ इत्येकं पदम्। स एष आसङ्गस्य दातुरात्मा। स्वनद्रथः=शब्दायमानरथः सन्। सर्वाणि सौभगानि प्राप्नोत्वित्यर्थः ॥३२॥

पदार्थान्वयभाषाः - (यः) यः परमात्मा (मह्यं) मदर्थं (हिरण्यया, त्वचा) दिव्येन त्वगिन्द्रियेण (सह) सहितान् (ऋज्रा) गतिशीलान् पदार्थान् (मामहे) दत्तवान् (एषः) एष परमात्मा (स्वनद्रथः) शब्दायमानब्रह्माण्डस्वामी (आसङ्गस्य) स्वस्मिन्नासक्तस्यो- पासकस्य (अभि) अभिमुखं (विश्वानि, सौभगा) सर्वाणि ऐश्वर्याणि (अस्तु) भावयतु−“अन्तर्भूतण्यर्थः” ॥३२॥

पदार्थान्वयभाषाः - Who gives me dynamic and powerful gifts of life with a golden cover and thus does me honour may be blest with the highest good fortunes of the world and may this devoted man go forward in life by a resounding chariot.